اتفق معك فيما قلته ولكن لي بعد التحفظات

اولا الاضراب ليس شيء سيئا علي الاطلاق ولكن ان تحول لفوضي لن يكون ذو جدوي ابدا

ثانيا العمل السياسي واساسياته ليست كما تمارس الان في مصر وللاسف ان قال نظيف ان الشعب لا يعرف الف باء السياسه فالاحري ان المناضلين وبللن اقول القيادات كون اغلبها اما في السجن او محاصر من قبل النظام

الاسوء يا دكتور ان المناضلين قبل ان يبدؤوا نضالهم لم يقرؤوا ليفهموا او يدركوا ابعاد تحركاتهم

انا مع الاضراب وساندت ااضراب 6 ابريل ولكني ضد اي عمل يكون بلا جدوي فعليه

حاجه ماتكونش في الجون .وزي ماحضرتك عارف اللعيب الشاطر الي بيجيب اجوان مش الي بياخد الملعب رايح جاي جري طول المتش ولا يجبش اي جون

عاوزين ناس تعرف تضرب في العمق باقل التكاليف تعرف تتخذ قرارات بالفعل لها وزنها ..

وزي ماقلت في الموضوع ((جميل ان يكون للشارع نبض لكن الاجمل ان يستطيع ذلك النبض تحريك الدوره الدمويه بالفعل ,ان يستطيع ان ينقذنا مما نحن فيه, لا ان يكون مجرد تحرك شبابي دونما ابعاد ودونما دراسه .))

اما موضوع اشتراك الاخوان فانا حتي الان في حيره

وبالنسبه لمسأله اسر المعتقلين فمهما قلت اني اشعر بما يعانون ومهما ادعيت انا وغيري ذلك فمن المستحيل ان يصل ألمنا الي ربع او حتي عشر ما يتألمونه

اما بالنسبه لان الاخوان وضعوا الشعب في اختبار ……..فديت بقي عاوزلها كلام كثير والافضل اني مافتحوش دلوقتي

وكفايه بس اقول ان المناضل الحقيقي عارف كويس قوي انه لوحده في وش المدفع وان ساعه الجد هيكون لوحده

وده مش في وسط الشعب بس ده برده وسط الاخوان ..ده شيء عادي المعادن بتبان وقت الجد

((الاخوان حبوا يوصلوا رسالة للحكومة ان الشعب هينفجر للظروف الحالية حتى بدون تدخل الاخوان أو تنظيمهم للاضراب فما بالك لو تم اعداد لإضراب منظم يقوم عليه الاخوان والقوى السياسية ))

معلش نقطه نظام لاني فعل اتلخبط علي الاخر …سؤال واحد ليه وفقوا دلوقتي ؟؟؟؟اساسا الي منظمين الي فات هما الي نظموا الي جاي ,,,ورساله ايه بس الي هتوصل للنظام هو النظام اساساعنده اي مستقبلات علشان يستقبل الراسله … او حتي بيعرف يقرأ رسايل ولو قرأ انت فاكره هيفهمها ولو فهم فاكر هتهمه !!!

ياريت اكون علي خطأ …لاني بالفعل اتمني ان يكون اضرابا ناجحا وان مافيش حد حتي يتعور فيه وان الاسعار ترخص بعده والمرتبات تزيد والبلد ترجع تاني بلد بدل ماهي ولاحاجه

يارب يادكتور اطلع انا الي ما بفهم واني دائما كدا نظرتي سوده وما بشوفش الا الاسوء

يا قلمي يا محتار..محير نفسك ليه..موقف الاخوان صح ول غلط..الاضراب صح ولا غلط..احنا فعلا لسة في kg1 سياسة..ومحتاجين لسة حد يعلمنا نمشي فيها ازاي..اذا اعتبرنا ان الاضراب عمل غير منظم وغير مفعل وغير ..وغير ..وغير..فهو عمل يبقى رد فعل..لألاسف كنا زمااان بنعيب اننا اصحاب ردود افعال ولسنا اصحاب افعال..حتى جاءت مصيبة اكبر واصبحنا بلا رد فعل حتى..الان تمشي في الشارع وترى الحرامي سارق شنطة الست وهي بتصرخ وتقول ,,حرااااااااااااااامييييييييييييي..ومحدش سائل اصلا في ايه..حضرتك بتشوف العشاق في الجامعة..وعالنواصي..في مواضع…لا حول ولا قوة الا بالله..بتكلمهم..بتقول لهم عيب..ما يصحش..لأ

بتمشي وتقول:لا حول ولا قوة الا بالله…لو كلمتهم وقلت لهم عيب..وهزقوك..مش هتزعل..صح..ولا هتزعل؟؟؟الحكومة معندهاش وسائل استقبال..بيتهيأ لك..امال مراقبين تلفوني وتلفونك وموبايلي وموبايلك والنت والفت كل وسائل الاتصال ليه لو مش يهمهم فعلا ايه اللي بيجرى في الشارع..حاطين طابور خامس ليه وسطنا في الشغل والمواصلات والكافيهات والمنتديات ..اشوف ابني وارجع اكمل معاك يا ..قلمي

دعاء منوره دائما

اه دائم الحيره علي طول بسأل ونفسي ابطل العاده ديت

لكن بصدق انا بسألأ من منطلق الاستفسار لا الاستنكار

___________

بالنسبه لموضوع التربيه السياسيه للشعب واننا لسه في كي جي 1 انا معاك فيها

ومع الاضراب لكن مع التخطيط الواقعي اكثر

يعني ماشي خلو في جهات بتضرب بس ياخدوا بالهم ان لو فضلوا كل شويه يضربوا مافيش شيء هيتغير

هشرحلك مخاوفي في بوست منفصل ان شاء الله

لاني علي قناعه بان التاريخ دائما يعيد نفسه

وربنا يسترها

واكون انا الي ما بفهم

*******

بس لحد دلوقتي ماحدش رد عليا ليه الاخوان هيشاركوا المرادي

سلام الله عليك اختى…كانت حيرتى مثل حيرتك واكثر ولكني بدأت أسأل الكثير ممن أعرف عنهم وعيهم السياسي وكثير منهم من الاخوان…فاتفق معظمهم على أمر هو ان الاخوان لم يكونوا ضد الاضراب الاول ولكن لم يشاركوا فيه كجماعة وترك لافراد الاخوان الحرية للمشاركة من عدمها. والسبب ان الاضراب الماضي كان يدعوا للنزول للشوارع والتظاهر ولو شارك الاخوان بهذه الكيفية كجماعة فسوف يكونون قد حققوا لحبيب العادلي ورجاله غايتهم لايجاد مبرر لهجمة شرسة واعتقالات تطال كل فرد في الجماعة مثل الاعتقالات التي حدثت اواخر ايام جمال عبد الناصر…ولهذا تركوا الامر للقوى السياسية الشعبية وان لم يمنعوا افرادهم من المشاركة كافراد ان ارادوا وبهذا فوتوا الفرصة على الحكومة…اما هذه المرة فكانت دعوتهم للاضراب على اساس المكوث فى المنزل وعدم النزول للشارع الا لضرورة وهذا حق لكل مواطن لا يمكن ان يحاسبه القانون عليه

ما ذكرته عن تشتيت انتباه المريض لعدم الإحساس بالألم صحيح تماما ..

ولكن الألم نعمة من الله تعالى حتى نعرف مكان المرض لبدء العلاج وإلا استشرى المرض في الجسم ..

لذلك كانت الدعوة للإضراب السلمي .. والوقفات الإحتجاجية لتنبيه الناس إلى مكمن الألم ..

ملاحظة : أنا لم أشارك أو أدعو للإضراب كذلك لم أنكره على من قاموا به بصرف النظر عن شعاراته أو موعده أو المشاركين فيه ..

تحياتي

said

شكرا جزيلا لكل من مروا من هنا

واعتذر بشده لتاخري في الرد لاني فعلا الفتره الماضيه لم تتح لي فرصه الدخول الي النت

سرني مروركم كلكم

اخي او اختي مش هنسكت كلام حضرتك صح تماما وهو شعار يدل علي المعاناه كما قلت ولكني اطمع بألا يتوقف نضال مناضلينا عند حد القاء الشعارات وعمل الاضرابات

اخي الفاضل سيد ان كان الغرض من الاضراب التنيبه فهو امر محمود ولكن ماهي الخطوه التاليه بعد التنبيه ؟؟؟

لو كنا هنبه الشعب كل شويه بدون ما نستغل هذا الوضع وانه بالفعل قد استفاق او يحاول ان يستفيق فلن تكون هنالك اي فائده من هكذا منبه

يارب يا سيد يجي الي يفوق الناس ويقودهم لعزهم